lab pey aati hai dua banke tamanna meri
zindagi shamma ki surat ho Khudaya meri
ho mere dam se yuuN hi mere watan ki zeenat
jis tarah phool se hoti hai chaman ki zeenat
zindagi ho meri parwaane ki surat ya rab
ilm ki shamma se ho mujhko mohabbat ya rab
ho meraa kaam Garibon ki himayat karna
dardmandon se zaifon se mohobbat karna
mere allah burai se bachaana mujhko
nek jo raah ho us raah pe chalana mujhko
lab pey aati hai dua banke tamanna meri
zindagi shamma ki surat ho Khudaya meri
No comments:
Post a Comment